讀羅馬字个感覺足無仝,攏有好處

讀羅馬字个感覺足無仝,攏有好處

我今仔日成功加入「白話字臺語社」矣,真感謝社長。(有欲加入个原因,這有一个故事,有機會來講)我普通時攏是寫臺羅,毋過白話字我會曉讀,嘛會使用「意傳」公司个工具轉作白話字去交流(偷食步……夆發現敢會夆笑?)

我發現,雖然,這馬看羅馬字个速度猶無偌緊,閣有小可一寡仔新詞愛搜揣才知,毋過看羅馬字有一个好處著是,隨看隨唸一定著,袂像讀漢字个時陣有可能其實是有精差个。

By the way / Bái-lō-ué,我對文字系統个態度攏是足開放个,基本上無啥書寫系統是我無愛个(若有,應該就是 Simplified Hanzi 吧)。

Guá kin-á-ji̍t sîng-kong ka-ji̍p "Pe̍h-uē-jī" Tâi-gí-siā"–a̍h, tsin kám-siā siā-tiúnn. (Ū beh ka-ji̍p ê guân-in, tse ū 1-ê kòo-sū, ū ki-huē lâi kóng) Guá phóo-thong-sî lóng-sī siá Tâi-Lô, m̄-kò Pe̍h-uē-jī guá ē-hiáu tha̍k, mā ē-sái iōng "Ì-thuân" Kong-si ê kang-kū tsuán tsò Pe̍h-uē-jī khì kau-liû (thau-tsia̍h-pōo… hőng huat-hiān kám ē hőng tshiò?)

Guá huat-hiān, sui-jiân, tsit-má khuánn Lô-má-jī ê sok-tōo iáu bô juā kín, koh ū sió-khuá tsi̍t-kuá-á sin-sû ài tshiau-tshuē tsiah tsai, m̄-kò khuánn Lô-má-jī ū tsi̍t-ē hó-tshù tio̍h-sī, suî khuánn suî liām it-tīng tio̍h, bué tshin-tshiūnn tha̍k Hàn-jī ê sî-tsūn ū khó-lîng kî-si̍t sī ū tsing-tsha ê.

By the way / Bái-lō-ué, guá tuì bûn-jī hē-thóng ê thāi-tōo lóng-sī tsiok khai-hòng ê, ki-pún-siōng bô-siánn su-siá hē-thóng sī guá bô ài ê (nā ū, ing-kai to̍h-sī Simplified Hanzi Kiám-thé-jī–pa).

#臺羅 #白話字 #臺語羅馬字 #羅馬字臺文

(Nā ū siá m̄-tio̍h lóng huan-gîng tsí-kàu!)

討論區

輸入您的意見. 允許使用維基語法:
A P M B V
 
blog/2021/05/12-poj.txt · 上一次變更: 2021/05/12 23:22 由 ghsrobert

本站使用說明

CC Attribution-Share Alike 4.0 International 若無特別註明,本 wiki 上的內容都是採用以下授權方式: CC Attribution-Share Alike 4.0 International