關於本站 Kuán-i pún-tsām

• 予我個人好消化个學臺語筆記整理
• 學臺語个資源整理
• 實際參加臺語現代化、文字化个閣一个網路空間、公共平台

語言文字

• 寫這个網站个時陣，我个盡量攏使用臺語。有時乜个寫華語來解釋_{（無一定會提醒，所以請看頭尾文分別）}
• 臺語个書寫：

  • 漢字
  • 臺羅

  攏會出現。

  • 毋過因為佇臺灣猶毋是足濟儂捌臺羅，所以先甘焦小可用爾，本站先以漢字為主。毋過對我來講臺羅乜是真重要。我認為一定愛學臺羅，學臺語个時陣才袂走歪去。
  • 閣有，因為我毋是真佮意臺羅个「hyphen」，所以有時用 hyphen、有時刁工無用。

為啥物

每一个儂學臺語个原因攏無仝。我身為一个今年 40 外歲个臺北囡仔，臺語是自細漢有咧聽，毋過確實是講無輾轉。所以我感覺有必要學較正確，對我喙講出來个乜莫亂使講，安呢才是負責任个態度。尤其我看著白話字/臺羅文獻个博雅，佮熟手對文字个運用自如，感覺足「敬畏」，所以我乜是下定決心，共臺語文認真讀予好、學予好，而且共值得逐家知影个資訊記錄起來，增加正確知識个傳播，這是我个目的。